Bruken av Bibelen i fellesskap

Korleis har Bibelen vorte opphav til vidt forskjellige tolkingar? Korleis vert Bibelen brukt i ulike fellesskap? Bibelen har vore med å forma ei rekke kulturar, og har vore brukt og tolka på forskjellige måtar av ulike fellesskap. Denne vitskaplege antologien drøftar korleis Bibelen er brukt i ulike fellesskap frå Hollywood til Frankfurt Marathon, frå klasserommet til bedehuset, og frå eksilet i Babylon fram til i dag.

Boka er tverrfagleg, og gjer innblikk i noko av bredda av bruken av Bibelen i fellesskap. Antologien er skriven for alle som er interesserte i Bibelen og bibeltolking i eit historisk og samtidig perspektiv, og vil vere av særleg interesse for forskarar og studentar innan teologi, religionsvitskap, kulturhistorie og litteraturvitskap.

Boka er skriven av forskarar frå Høgskulen i Volda, Universitetet i Innlandet, NLA Høgskolen, Fjellhaug Internasjonale Høgskole, MF Vitenskapelig Høyskole og Nynorsk kultursentrum.